Archive for November 2014
තුන්ලොව ජයගත් තහනම් ගස
නෙලා ගත් පසු පැය 4ක් හෝ 5ක් පිරිසුදු ජලයේ ගිල්වා තබා පසුව වියළා එළඟිතෙලෙන් බැද ඔසු පිණිස මාත්රානුසාරයෙන් යෙදිය යුතු කංසා ආයුර්වේද ඖෂධ නිෂ්පාදනයේදී නැතිවම බැරි ඔසුවකි. නීතිමය හා වැරදි ආකාරයෙන් භාවිත කිරීමෙන් සිරුරට වන හානිය සලකා බලන නිසාදෝ හේන් පිටින් ගලවාගෙන ගොස් ගොඩගසා පුළුස්සන අයුරු බලාසිටීමට වීම නෙතඟට කඳුළු ඉනවීමට තරම් වන්නේ එහි ඇති ගුණය දන්නා නිසාය. අධි ආරක්ශිත කලාපයක හෝ වවා ඖශධ නිශ්පාදනය කරන ආයතන වෙත නිකුත් කිරීමෙන් ඉතා වටිනා ඖශධ සැකසීමට හැක
.
මෙහි කොල බීජ හා නිර්යාස ඔසු පිණිස ගන්නා අතර ස්ත්රී පූරුශ ලෙස ශාක ප්රභේද දෙකකි. ස්ත්රී ගසක ලාටු වැනි නිර්යාස වලින් වටවී ඇති මල් හා බීජ සමඟ නෙලා ගත්විට ඒවා ගංජා ලෙසද, ගසේ පිපිරී ඇති තැන්වලින් හා මල්වල මිදී තිබෙන ලාටු වැනි කොටස් චරස් ලෙසද හඳුන්වයි.
ගංජා
රක්ත සංවහන ව්යූහයේ හෘදයේ උත්තේජනය කරන ගුනය ඇත. හාර්ධික දුර්වලතා ජනිත රෝග වලදී මාත්රානුසාරයෙන් යෙදීමෙන් වහා ගුණ ලැබේ. රක්තශ්රාව වන රෝග වලදී යොදන ඔසුවල අඩංගුව ඇත.අධිකව සෘතුශ්රාවයවන රෝග වලදී යෙදිය හැක.
කංසා පැලෑටිය Cannabinaceae යන භංගා කුලයට අයත්ය. Cannabis sativa (indica) යන උද්භිද විද්යාත්මක නාමයෙන් සදහන් වන කංසා මධ්යම ආසියාවේද, ඉරාක ඉරාන මිසර පර්සියා ඇමෙරිකා දකුණු යුරෝපය අප්රිකා වැනි රටවලද අප රටේ ඌව බිංතැන්නේ සරුවටද අනෙක් පලාත්වලත් වැවෙනමුත් වැවීම තහනම්ය
.
මෙහි කොල බීජ හා නිර්යාස ඔසු පිණිස ගන්නා අතර ස්ත්රී පූරුශ ලෙස ශාක ප්රභේද දෙකකි. ස්ත්රී ගසක ලාටු වැනි නිර්යාස වලින් වටවී ඇති මල් හා බීජ සමඟ නෙලා ගත්විට ඒවා ගංජා ලෙසද, ගසේ පිපිරී ඇති තැන්වලින් හා මල්වල මිදී තිබෙන ලාටු වැනි කොටස් චරස් ලෙසද හඳුන්වයි.
ගංජා
චරස් (අත්ලේ කහපැහැති ද්රවය)
රක්ත සංවහන ව්යූහයේ හෘදයේ උත්තේජනය කරන ගුනය ඇත. හාර්ධික දුර්වලතා ජනිත රෝග වලදී මාත්රානුසාරයෙන් යෙදීමෙන් වහා ගුණ ලැබේ. රක්තශ්රාව වන රෝග වලදී යොදන ඔසුවල අඩංගුව ඇත.අධිකව සෘතුශ්රාවයවන රෝග වලදී යෙදිය හැක.
නාඩි ව්යූහයේ වාත වේදනා නසන සුළුය. හිසරදය, අර්ධාවභේදය යනුවෙන් හඳුන්වන මිග්රේන් යන ප්රචලිත රෝගයේදී වහා සහනය ලැබේ. නිද්රාජනක ගුණය නිසා නින්ද නොයන අයට දීමෙන් නින්ද ලැබේ. ආක්ශේප රෝග වලදී යොදයි.අපතානක ධනුස්ථම්භ වැනි භයානක වාත රෝග වලදී යෙදීමෙන් ගුණ ලැබේ.
ස්වසන ව්යූහයේදී ස්වසනය ත්රීව කරයි. කක්කල් කැස්සේදී යොදනු ලබයි. වාතය හා සෙම නසන නිසා ඇදුම රෝගයේදී යොදයි. පත්ර පුළුස්සා එන දුම ඉරීමෙන් ඉවසනය පහසු වේ. එය වර්තමානයේ නෙබියුලයිස් කිරීමට
සමාන වේ
මූත්ර වයූහයේ මූත්ර පෙරීම වැඩි කරයි. වෘක්ක වේදනාවටද යෙදිය හැකිය. ප්රජනන ව්යූහයේ ශුක්ර ස්ථම්භනය කරයි. ගර්භාශය සංකෝචනය කරයි. සමේ ආලේප කල විට වේදනා නැතිව යයි.ඉස්සොරි හා උකුණන් වඳ කිරීමට කොළ යුශ හිස ගල්වා විනාඩි 20කට වසු සෝදා හැරීමෙන් ඉස්සොරි නැතිවී උකුණන් වඳවී යයි.මහලු වයසේදී ප්රයෝග කිරීමෙන් ඇඟපතේ ඇතිවන වේදනාව දුරු වී සුවදායක නින්දක් ලබාදෙයි.
වෛද්ය උපදෙස් මත ශෝධනය කල කංසා අල්ප මාත්රාවෙන් භාවිත කිරීමෙන් තිලොවම ජයගත හැකිවේ. එම අරුතින් මෙම ශාකයට ත්රෛලෝකවිජයාපත්ර යන නම යොදා ඇත.
එහෙත් ශෝධනය නොකරන ලද කංසා අධික මාත්රාවෙන් ගත් විට අඩ පැයක් ගත වූ කල විස ලක්ෂණ පහල කරයි. එවිට නිකරුනේ ප්රලාප දොඩවයි. කැරකැවිල්ල, නිකරුනේ සිනහ වීම, අසම්බන්ධ වචන දෙඩවීම ඇතිවේ. ස්පර්ශය නොදැනී යයි. නිදිමත, ක්ලාන්තය, දුර්වලතාවය ඇතිවේ. ද්විතීය අවස්තාවෙන් පසු දැඩි නින්දට වැටී ස්වරෝධය ඇතිවී මරණය පවා ඇතිවේ.
ශෝධිත කංසා දේශීය ගුලි, කල්ක වල බහුලව භාවිත වේ.ඒවා අතර කාමේශ්වර මෝදකය, මදන මෝදකය, තෛලෝක්ය සම්මෝහ රසය යන ඔසු ප්රසිද්ද වාජිකරන වේ. කාම ශක්ති ජනක බලකාරකය ද්වජභංගය රෝගය නසන මෙම ඔසු කිරි සහ එනසාල් පිටි සමඟ ගැනීමෙන් ජය ගත හැකිය.
- යක්කල සිද්ධායුර්වේද වෛද්ය විද්යාලයේ කාය චිකිත්සාව පිළිබඳ කථිකාචාර්ය, ආයුර්වේද විශාරද පණ්ඩිත, වෛද්ය චමරි වෛද්යරත්න මහත්මිය විසින් ලංකාදීප පුවත්පතට සැකසූ ලිපියක් ඇසුරිනි -
Wednesday 12 November 2014
Posted by චමියා